Aktual mövzular: Dollar alış-satışı, Neftin qiyməti, COP29, Hava proqnozu

''Seçim etsəm, Messinin yox, İnyestanın adını çəkərdim'' - Samuel Eto’O

Tarix: 3 Fevral 2020 15:46

"Çox güclü futbolçularla oynamaq şansım olub. Messi isə bu dünyanın futbolu üçün yad ünsürdür".

Qol.az xəbər verir ki, bu sözləri “Barselona”nın sabiq oyunçusu Samuel Eto’O karyerası ərzində çıxış etdiyi komandalarda birgə oynadığı futbolçular haqda danışarkən deyib. Lionel Messini tərifləyən 38 yaşlı veteran hücumçu həmin oyunçular içində Andres İnyestanın ən yaxşı olduğunu vurğulayıb:

"Messinin analoqu yoxdur. O, təkdir. Bir çoxları deyir ki, Messi başqa komandada oynasaydı, bu qədər uğurlu olmayacaqdı. Amma mənim düşüncələrim fərqlidir. Hər kəs hansısa bir komandada öz səviyyəsində çıxış edir. O, tarix yazmağa davam edəcək. Ancaq keçmiş komanda yoldaşlarım arasından birini seçsəm, Leonun yox, Andres İnyestanın adını çəkərdim. Onun meydançadakı bütün hərəkətləri dahiyanədir".

Qeyd edək ki, 2004-2009-cu illərdə Kataloniya təmsilçisinin formasını geyinən Eto’O futbolçu karyerasına ötən il yekun vurub.