Aktual mövzular: Dollar alış-satışı, Neftin qiyməti, COP29, Hava proqnozu

Mxitaryan Bakıya gəlmir! – ''Arsenal'' rəsmən açıqladı

Tarix: 21 May 2019 15:00

"Arsenal" futbolçusu Henrix Mxitaryanı Avroliqanın Bakıda keçiriləcək finalına gətirib-gətirməyəcəyi ilə bağlı yekun qərarını verib.

Qol.az-ın xəbərinə görə, klubun rəsmi saytı vasitəsi ilə yayılan açıqlamada erməni hücumçunun Bakıya gətirilməyəcəyi vurğulanıb:

"Arsenal" futbolçunun özü və ailəsi ilə müzakirədən sonra onu Bakıya gətirməməyə qərar verdi. Biz UEFA-ya məktub yazıb, bu vəziyyət haqqında narahatlığımızı ifadə etdik. Henrix klubumuz üçün əsas oyunçudur. Buna görə bu, böyük itkidir. Çox kədərli vəziyyətdir. Çünki finallar futbolçunun karyerasında nadir hallarda olur".

Qeyd edək ki, "Arsenal" Avroliqanın finalında mayın 29-u "Çelsi" ilə qarşılaşacaq.

Whatsapp ilə göndər