Aktual mövzular: Dollar alış-satışı, Neftin qiyməti, COP29, Hava proqnozu

Əşrəf Qəni yenidən prezident seçildi

Əşrəf Qəni yenidən prezident seçildi

Tarix: 18 Fevral 2020 18:38

Əfqanıstanın hazırkı rəhbəri Əşrəf Qəni yenidən prezident seçkilərinin qalibi olub.

Sonxeber.net qafqazinfo-ya istinadən xəbər verir ki, bu barədə Əfqanıstanın Müstəqil Seçki Komissiyasının (MSK) sədri Havu Ələm Nuristaninin açıqlamasında deyilir. O bildirib ki, Qəni seçicilərin 50,64%-nin səsini toplayaraq ikinci müddətə prezident seçilib.

Səsvermənin nəticələrinə görə, ikinci yeri 39,52% səslə Abdulla Abdulla, üçüncü yeri 3,85% səslə Gülbəddin Hikmətiyar tutub.

Qeyd edək ki, MSK-nın nəticələri elan etməsindən sonra Abdulla "Facebook" səhifəsində bununla razılaşmayaraq səslərin yenidən hesablanmasını tələb edib.

Xatırladaq ki, Əfqanıstanda prezident seçkiləri ötən il sentyabrın 28-də keçirilib. İlkin nəticələr elan olunduqdan sonra Əfqanıstanın Şikayətlər və İradlar Komissiyasına 16,5 min şikayət daxil olmuşdu.


Etiketlər:  Əşrəf Qəni yenidən prezident seçildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ