Aktual mövzular: Dollar alış-satışı, Məzənnə, Neftin qiyməti

Yaponiya Marsın peykinə kosmik zond göndərəcək

Yaponiya Marsın peykinə kosmik zond göndərəcək

Tarix: 22 Fevral 2020 13:12

Yaponiyanın Aerokosmik Tədqiqatlar Agentlyi (JAXA) Marsın Fobos peykinə zond göndərmək planı haqqında məlumat verib.
 
"ICTnews" Elektron Xəbər Xidməti "belta.by" saytına istinadən yazır ki, Yaponiyanın Təhsil, Mədəniyyət, İdman, Elm və Texnologiya Nazirliyinin ekspertlər komitəsi artıq bu layihəni təqdir edib.
 
Tədqiqatçılar 2024-cü ildə Fobos peykinə zond göndərəcək və 2029-cu ildə onun səthindən götürülmüş nümunələr Yer kürəsinə çatdırılacaq. Onların sözlərinə görə, bu, dünyada ilk belə missiyadır.
 
Alimlər ümid edirlər ki, bu layihə Marsın peyklərinin yaranmasına və Günəş sistemi planetlərinin formalaşması prosesinə aydınlıq gətirəcək.
 
Emil Hüseynov


Etiketlər:  Yaponiya Marsın peykinə kosmik zond göndərəcək


RƏYLƏR



Populyar Xəbərlər

XƏBƏR LENTİ