Aktual mövzular: Dollar alış-satışı, Neftin qiyməti, COP29, Hava proqnozu

UEFA ''Qarabağ''ı indidən çempion kimi tanıya bilər

UEFA ''Qarabağ''ı indidən çempion kimi tanıya bilər

Tarix: 16 Mart 2020 22:08

UEFA koronavirusla bağlı problem uzanacağı halda öz ölkələrinin liderləri olan komandaları çempion kimi tanıya bilər.

Qol.az "AS" nəşrinə istinadən xəbər verir ki, qitənin ali futbol qurumu hazırda dayanan liqaların liderlərinin çempion kimi tanınması məsələsinə baxır.

Qeyd olunub ki,  UEFA-nın sabah milli federasiyalarla keçirəcəyi videokonfrans zamanı bununla bağlı məsələ müzakirə ediləcək.

Turnirlər davam etdirilməyəcəyi təqdirdə, hazırkı liderləri öz ölkələrinin çempionu elan etmək variantı təklif ediləcək. Avropa Liqasında   iştirak edəcək komandalar da oxşar şəkildə müəyyənləşəcək. Belə bir hadisə Yuqoslaviyada müharibə olan zaman baş vermişdi. Həmin vaxt "Partizan" əvvəlcədən çempion elan edilmişdi.

Ancaq Avro-2020 bir mövsümlük təxirə salınsa, təklif edilən ideyalar müzakirə mövzusu olmayacaq və çempionatlar bu yay başa çatdırılacaq.

Qeyd edək ki, hazırda Azərbaycan Premyer Liqasında "Qarabağ" 8 xal fərqi ilə liderdir. UEFA-nın təklifi qəbul ediləcəyi halda, "Qarabağ" da mövsüm başa çatmadan çempion kimi tanına bilər.

Əlavə edək ki, hazırda Azərbaycan Premyer Liqası ən azı 1 aylıq dayandırılıb.

 


Etiketlər:  UEFA Qarabağı indidən çempion kimi tanıya bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ