Aktual mövzular: Dollar alış-satışı, Neftin qiyməti, COP29, Hava proqnozu

İddiaçılar turnirində beşinci turun oyunları keçiriləcək

İddiaçılar turnirində beşinci turun oyunları keçiriləcək

Tarix: 22 Mart 2020 12:14

Rusiyanın Yekaterinburq şəhərində şahmat üzrə iddiaçılar turnirində bu gün beşinci turun oyunları keçiriləcək.

Sonxeber.net AZƏRTAC-a istinadən bildirir ki, səkkiz şahmatçının mübarizə apardığı turnirin beşinci turunda amerikalı Fabiano Karuana Niderland təmsilçisi Aniş Giri, rusiyalı şahmatçılar Yan Nepomnyaşi çinli Hao Yanq, Kiril Alekseyenko fransalı Maksim Vaşe-Laqrav, Aleksandr Qrişuk Çinin digər təmsilçisi Liren Dinq ilə qarşılaşacaqlar.

Dörd turun nəticəsinə görə, H.Yanq, M.Vaşe-Laqrav, Y.Nepomnyaşı 2,5, A.Qrişuk, F.Karuana 2, K.Alekseenko, A.Giri, L.Dinq 1,5 xal toplayıblar.

On dörd turdan ibarət turnirə aprelin 3-də yekun vurulacaq.

Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin təxirə salınması barədə təklifi FIDE tərəfindən qəbul olunmadığından o, iştirakdan imtina edib.


Etiketlər:  İddiaçılar turnirində beşinci turun oyunları keçiriləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ