“Düdelanj”ın futbolçusu İngiltərədə!

Tarix: 11 Aprel 2020 13:52

Bu mövsüm Avropa Liqasının qrup mərhələsində “Qarabağ”ın rəqibi olmuş “Düdelanj”ın futbolçusu Danel Sinani karyerasını İngiltərədə davam etdirəcək.

Qol.az xəbər verir ki, Premyer Liqa təmsilçisi “Norviç” rəsmi saytı vasitəsi ilə 23 yaşlı lüksemburqlu yarımmüdafiəçini transfer etdiyini açıqlayıb. O, yeni klubuna azad agent kimi mövsüm başa çatdıqdan sonra qoşulacaq. Müqavilənin müddəti 2023-cü ilin yayına qədərdir. Onun illik 400 min avro qazanacağı bildirilir.

Qeyd edək ki, D.Sinani Lüksemburq liqasında 17 oyuna 14, Avropa Liqasında isə 5 qrup matçında 4 qol vurub. O, Lüksemburda "Qarabağ"a qarşı matçın (1:4) iştirakçısı olub.