Koronavirusla viral pnevmoniyaların fərqi NƏDİR?

Tarix: 11 May 2020 19:27

Tanınmış pediatr və televiziya aparıcısı Yevgeni Komarovski COVID-19-a yoluxan xəstələrdə sətəlcəm inkişafının qarşısını alan üsullardan danışıb.

Sonxeber.net xəbər verir ki, o, bu barədə İnstaqram səhifəsində məlumat paylaşıb. Həkimin sözlərinə görə, infeksiyanın ağciyərlərə zərərini azaltmaq üçün bir neçə tədbirlərin görülməsi şərtdir. Komarovski koronavirus pnevmoniyasının müalicəsi üçün dərmanların hələlik olmadığını bildirib. Ancaq hesab edir ki, immuniteti gücləndirməklə xəstəliyin öhdəsindən gəlmək mümkündür. Həkim isti geyinməyi, çox miqdarda isti maye içməyi, otağı havalandırmağı və normal rütubəti təmin etməyi məsləhət görüb.

Komarovski viral pnevmoniyanın başqalarından fərqini də izah edib:

"Viral pnevmoniya və adi pnevmoniya kəskin reseptor xəstəliklərinin ağırlaşması kimi tamamilə fərqli şeylərdir. Kəskin respirator ağırlaşmalarda - soyuqdəymə zamanı ağciyərlərdə selik yığılır və ventilyasiya pisləşir, nəticədə ağciyərlərdə bakteriyalar çoxalır. Belə bir ağırlaşma antibiotiklərlə müalicə olunur".

Həkim əlavə edib ki, viral pnevmoniyada virus hava yollarında uzanmır, ancaq ağciyərlərdə inkişaf edir:

"Yəni, koronavirusda ağciyərlərin iltihablanması xəstəliyin ağırlaşmasını bildirmir, bu, xəstəliyin təzahürüdür. Bakteriya deyil, virus ağciyərlərdə çoxalır" , - deyə Komarovski əlavə edib.

O, izah edib ki, ən pis variant viral-bakterial sətəlcəmdir.

Komarovskinin sözlərinə görə, immun sistemini gücləndirmək üçün bir sıra şərtləri yerinə yetirmək lazımdır: məşq edin, qeyri-sağlam yeməklərdən imtina edin, şəkərin miqdarını azaldın, çəkinyə nəzarət edin və özünüzü stressdən qoruyun. (publika.az)