Azərbaycan klubunun sabiq baş məşqçisi 70 yaşında ata olacaq - FOTO

Tarix: 14 May 2020 13:06

Bakı "İnter"nin (hazırkı "Keşlə") sabiq vitse-prezidenti və baş məşqçisi Anatoli Konkov ata olacaq.

Sonxeber.net fanat.az-a istinadən xəbər verir ki, ukraynalı mütəxəssisin 70 yaşında övladı dünyaya gələcək.

Bu barədə onun özündən iki dəfə kiçik olan həyat yoldaşı Mariya şəxsi "Instagram" səhifəsində paylaşım edib. O, hamilə qaldığına işarə edərək, "Həyatımda ilk dəfə belə ideal pres yığmışam" yazıb.

Qeyd edək ki, cütlük münasibətlərini 2017-ci ildə rəsmiləşdirib. Onlar hətta Kiyev kilsələrindən birində nikah da bağlayıblar.

Anatoli Konkov 2004-2006-cı illərdə "İnter"də çalışıb. Onun dövründə paytaxt təmsilçisi yalnız 2004/05 mövsümündə Azərbaycan Kubokunun finalçısı olub və həlledici görüşdə "Bakı"ya uduzub - 1:2. 2012-2015-ci illərdə isə Konkov Ukrayna Futbol Assosiasiyasının prezidenti olub.