Aktual mövzular: Dollar alış-satışı, Neftin qiyməti, COP29, Hava proqnozu

UEFA Çempionlar Liqası ilə bağlı qərarını verdi

Tarix: 16 Iyun 2020 11:16

UEFA Çempionlar Liqasının qalan matçları ilə bağlı qərar verib.

Sonxeber.net qol.az-a istinadən xəbər verir ki,ÇL-in görüşləri Lissabonda "səkkizlər finalı" formatında oynanılacaq. 1/4 finalın matçları 12-15 avqust, yarımfinal 18-19 avqustt, finalın isə 23 avqust tarixlərində keçirilməsi planlaşdırılır.

"Səkkizlər finalı"nın püşakatması iyulun ortası Nyonda olacaq.

1/8 finalın "Yuventus" - "Lion" və "Barselona" - "Napoli" görüşləri müvafiq olaraq 7, 8 avqustda Turində və Barselonada keçiriləcək. "Mançester Siti" - "Real" və "Bavariya" - "Çelsi" görüşlərinin məkanı isə hələ müəyyənləşməyib.

Yeni qərarla İstanbulun builki yox, gələn il keçiriləcək ÇL-in finalına ev sahibliyi edəcəyi vurğulanıb. Sankt-Peterburqda isə 2021/2022 mövsümündəki final oynanılacaq.

Bundan başqa, UEFA Superkuboku isə sentyabrın 24-ü Budapeştdə olacaq.

Bu qərarların UEFA İcraiyyə Komitəsinin iyunun 17-i keçiriləcək iclasında təsdiqlənəcəyi bildirilib.

Xatırladaq ki, ÇL-də 1/4 finala "Atalanta", "Atletiko, PSJ və "Leyptsiq" vəsiqəni təmin edib.

Whatsapp ilə göndər