Aktual mövzular: Dollar alış-satışı, Məzənnə, Neftin qiyməti

Millimiz FİFA reytinqində gerilədi

Tarix: 14 Iyun 2019 12:32

FIFA milli komandaların növbəti reytinq cədvəlini açıqlayıb.

Qol.az-ın qurumun rəsmi saytına istinadən yaydığı xəbərə görə, ötən ayla müqayisədə Azərbaycan milli komandası iki pillə geriləyib. Buna səbəb yığmamızın Avro-2020-nin seçmə mərhələsində evdə Macarıstana 1:3, Slovakiyaya isə 1:5 hesablı məğlubiyyətləridir. Ümumilikdə 14 reytinq xalı itirən millimiz 1188 xalla 110-cu sırada qərarlaşıb.

Millimizin Avro-2020-nin seçmə mərhələsindəki rəqiblərindən Xorvatiya (1625) 6-cı, Uels (1514) 23-cü, Slovakiya (1491) 31-ci, Macarıstan isə (1442) 42-ci pillədə yer alıb.

Qeyd edək ki, siyahıya 1746 xalla Belçika başçılıq edir. Fransa 1718 xalla ikinci, Braziliya isə 1681 xalla üçüncüdür.