Aktual mövzular: Dollar alış-satışı, Neftin qiyməti, COP29, Hava proqnozu

Avstraliya aviaşirkəti 6 min əməkdaşı ixtisar edəcək

Tarix: 25 Iyun 2020 14:48

Bakı. Trend:

Avstraliyanın “Qantas” aviaşirkəti koronavirus pandemiyasından sonra bərpa proqramı çərçivəsində azı 6 min əməkdaşını ixtisar etməyi planlaşdırır.

Trend-in məlumatına görə, bu barədə şirkətin baş direktoru Alan Coys bildirib.

Bundan başqa, əsasən beynəlxalq reyslərin həyata keçirilməsi ilə məşğul olan 15 minə yaxın əməkdaş yaxın bir neçə ay ərzində iş yerlərinə qayıda bilməyəcək.

Şirkət rəhbərinin sözlərinə görə, gələn ilin iyulunadək ümumiyyətlə beynəlxalq reyslərin həyata keçirilməsi gözlənilmir. Şirkətin 100-ə yaxın təyyarəsi növbəti 12 ay ərzində fəaliyyətsiz qalacaq.

A.Coys bildirib ki, aviaşirkət böhranın fəsadlarını uzun müddət hiss edəcək.

Whatsapp ilə göndər