Aktual mövzular: Dollar alış-satışı, Neftin qiyməti, COP29, Hava proqnozu

Nigeriyanın xarici işlər naziri koronavirusa yoluxub

Tarix: 19 Iyul 2020 21:00

Bakı. Trend:

Nigeriyanın xarici işlər naziri Cefri Oneama yeni növ koronavirusa yoluxub.

Trend-in TASS-a istinadən verdiyi məlumata görə, C.Oneama bu barədə öz "Twitter" səhifəsində yazıb.

"Şənbə günü boğazımdakı qıcıqlanmanın ilk əlamətini hiss edərkən koronavirus üçün dördüncü testi etdim. Testin cavabı indi geri qayıdıb, müsbətdir. Tibb müəssisəsində təcrid olunmağa gedirəm", - xarici işlər naziri bildirib.

Koronavirusun birinci hadisəsinin fevralın 27-də aşkarlandığı Nigeriya hazırda Saxara səhrasından cənubda yerləşən qitə dövlətləri arasında yoluxanların sayına görə ikinci yerdədir - 34 854. Ümumilikdə isə ölkədə adı çəkilən virusdan 769 nəfər ölüb.

Whatsapp ilə göndər