Aktual mövzular: Dollar alış-satışı, Neftin qiyməti, COP29, Hava proqnozu

Avropada “Honor Router 3” routeri satışa çıxarılıb

Tarix: 27 Iyul 2020 09:36

Bir neçə Avropa ölkəsində “Honor Router 3” simsiz marşrutlayıcısının satışlarına başlanılıb.

“ICTnews” Elektron Xəbər Xidməti “IXBT” resursuna istinadən yazır ki, bu, “Honor” çeşidində “Wi-Fi 6” texnologiyasını dəstəkləyən ilk routerdir. Qeyd edək ki, istehsalçı tərəfindən “Router 3” qurğusu “Wi-Fi 6 Plus” adlandırılır. Bu, onun adi “Wi-Fi 6” ilə müqayisədə daha güclü siqnal təmin etməsi ilə izah olunur. Fərq 6 desibel təşkil edir ki, bu da daha çox əhatə dairəsini və daha dayanıqlı qoşulmanı təmin etməyə imkan verir.

Router iki tezlik diapazonunda işləməklə eyni anda 20-dək qurğunun simsiz qoşulmasını təmin edir. O, “WPA3” texnologiyasını dəstəkləyir. Simli hissədə “Router 3” qurğusunun konfiqurasiyasına bir “WAN” portu və 1 Qbit/saniyə sürətini dəstəkləyən üç “LAN” portu daxildir.

Artıq qiyməti 80 avro təşkil edən “Honor Router 3” marşrutlayıcısının Almaniya, Fransa, İspaniya və Niderlandda ilkin sifarişlərin qəbuluna başlanılıb. İtaliyada isə sifarişlərin qəbuluna iyulun 24-dən etibarən başlamaq nəzərdə tutulur.

Nizam Nuriyev

Whatsapp ilə göndər