“Telegram”da videozənglər funksiyası istifadəyə verilib

Tarix: 27 Iyul 2020 11:12

“Telegram” messencerində videozənglər funksiyası işə salınıb.

“ICTnews” Elektron Xəbər Xidməti “Lenta” resursuna istinadən yazır ki, “Durov kodu” nəşrinin məlumatına görə, test mərhələsində olan funksiyadan hazırda “iOS” istifadəçiləri yararlana bilərlər.

Məlumata görə, bunun üçün “App Store” mağazasında messencerin “6.3” adlı aktual versiyasının yüklənməsi tələb olunur. Sonra “Experimental Feature” (Eksperimental funksiyalar) funksiyasının aktivləşdirildiyi “Debug” menyusunu açmaq üçün proqramdakı quraşdırmalar işarəsi üzərinə 10 dəfə basmaq lazımdır. Bundan sonra profilə daxil olaraq fotoşəkilin üzərinə gəlmək və funksiyadan istifadə etmək lazımdır.

Bu zaman həmsöhbətin eyni hərəkətləri yerinə yetirməsi vacibdir, əks halda, videozəng etmək mümkün olmayacaq.

Nizam Nuriyev