Aktual mövzular: Dollar alış-satışı, Neftin qiyməti, COP29, Hava proqnozu

AQTA ictimai iaşə müəssisələrinin nümayəndələri üçün videokonfrans keçirəcək

AQTA ictimai iaşə müəssisələrinin nümayəndələri üçün videokonfrans keçirəcək

Tarix: 30 Iyul 2020 18:20

Bakı. Trend:

Azərbaycan Respublikasının Qida, Təhlükəsizliyi Agentliyi (AQTA) ictimai iaşə müəssisələrinin nümayəndələri üçün Nazirlər Kabinetinin “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Qərarının icrasının təmin olunmasına dair videokonfrans keçirəcək.

AQTA-dan Trend-ə bildirilib ki, konfransda koronavirus pandemiyası dövründə ictimai iaşə müəssisələrinə müştəri qəbulu zamanı adambaşına müəyyən edilən sıxlıq normaları, qida qəbulu zallarında oturacaqların ara məsafəsi, masalararası məsafə, qida qəbulu yerlərinin ümumi sahəsi və oturacaq yerlərinin sayını əks etdirən lövhələr barədə fikir mübadiləsi aparılacaq.

Azərbaycan Respublikasının Qida Təhlükəsizliyi Agentliyi ictimai iaşə müəssisələrinin nümayəndələrini avqustun 04-də, saat 16:30-da keçiriləcək videokonfransa dəvət edir. Videokonfransda iştirak etmək istəyənlər Agentliyin (012) 377-00-77 (daxili: 170, 175, 214 ) nömrəsi ilə əlaqə saxlaya bilərlər.


Etiketlər:  AQTA ictimai iaşə müəssisələrinin nümayəndələri üçün videokonfrans keçirəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ