''Sabah'' monteneqrolu futbolçu aldı - Rəsmi

Tarix: 3 Avqust 2020 10:08

"Sabah" heyətini yeni futbolçu ilə gücləndirib.
 
Sonxeber.net qol.az-a istinadən xəbər verir ki, moteneqrolu müdafiəçi Nikola Vuyadinoviçlə bir illik müqavilə bağlanıb.

Serbiyanın "Srvena Zvezda" klubunun yetirməsi olan Nikola, karyerası ərzində "Rad" (Serbiya, 2004/05), "Zeta" (Monteneqro, 2005/06), "Radniçki" (Serbiya, 2006/07), ÇSKA (Sofiya, Bolqarıstan, 2007/08), "Unirea Alba Yulia" (Rumıniya, 2009/10), "Aberdin" (Şotlandiya, 2010/11), "Yavor" (Serbiya, 2012), "Şturm" (Avstriya, 2012-2014), "Osasuna" (İspaniya, 2014/15, 2017), BSU (Çin, 2015/16), "Lex" (Polşa, 2017-2019) klublarında çıxış edib.

Onun son komandası Sloveniya "Domjale"si (2019/20) olub.

Qeyd edək ki, "Sabah" bundan əvvəl Amin Seydiyev, Samir Məhərrəmli, İdris İnqilablı (hamısı "Qəbələ"), Slavik Alxasov ("Keşlə"), Nicat Mehbalıyev ("Qarabağ"), Aleksey İsayev ("Sabah") və Camal Cəfərovu da heyətinə cəlb edib.