Aktual mövzular: Dollar alış-satışı, Neftin qiyməti, COP29, Hava proqnozu

“WhatsApp” messencerində təkmilləşdirilmiş axtarış sistemi əlçatan olacaq

Tarix: 8 Avqust 2020 10:48

"WhatsApp" messencerinin "Android" əməliyyat sistemi üçün sınaq versiyasının istifadəçiləri qeyd ediblər ki, proqramda yalnız mətn mesajları arasında deyil, həm də fayl bərkitmələri üçün axtarış sistemi əlçatan olub. Məsələn, yalnız şəkil, video, istinadlar, gif formatlı təsvirlər, səsli mesajlar və ya sənədlər axtarmaq olar. Bu haqda "WABetainfo" nəşri yazıb.

"ICTnews" Elektron Xəbər Xidməti "hi-tech.mail.ru" saytına istinadən yazır ki, beləliklə, çoxsaylı yazışmalar arasında lazımi şəkil və ya sənədi tapmaq mümkün olacaq.

"Android"in idarəetməsi altında işləyən smartfonların sahibləri APK fayl vasitəsilə "WhatsApp"ın beta-versiyasını quraşdırmaqla bu funksiyanı sınaqdan keçirə bilərlər.

Emil Hüseynov

Whatsapp ilə göndər