Aktual mövzular: Dollar alış-satışı, Neftin qiyməti, COP29, Hava proqnozu

Ən çox subbakalavr II ixtisas qrupu üzrə ali məktəbə daxil olub

Ən çox subbakalavr II ixtisas qrupu üzrə ali məktəbə daxil olub

Tarix: 24 Sentyabr 2020 12:12

Azərbaycanda ən çox subbakalavr II ixtisas qrupu üzrə ali məktəbə daxil olub.

Dövlət İmtahan Mərkəzindən Sonxeber.net-a verilən məlumata görə, bu il ali məktəbə ümumilikdə 5785 subbakalavr daxil olub. Onların 3322 nəfəri II ixtisas üzrə ali məktəbə daxil olaraq, tələbə adını qazanıb.

Daha sonra isə I ixtisas qrupu üzrə ali məktəbə daxil olan subbakalavrlatrın sayı üstünlük təşkil edir. Bu qrupda 1995 subbakalavr tələbə adını qazanıb.

Bu il III ixtisas qrupu üzrə 42, IV qrup üzrə 372, V qrup üzrə 54 subbakalavr ali məktəb tələbəsi ola bilib.

Qeyd edək ki, Azərbaycanda kolleci bitirən subbakalavrlar qəbul imtahanlarında iştirak etmədən ali təhsil müəssisələrinə qəbul ola bilərlər. Lakin bu imkan yalnız subbakalavr dərəcəsi alan (2012-ci ildən sonra kolleci bitirən) məzunlara aiddir.

Subbakalavrlar yalnız orta ixtisas təhsili səviyyəsində təhsil aldıqları tədris dilinə və bitirdikləri ixtisasa uyğun olan ixtisasları seçə bilərlər. Qəbul aparılan ixtisasların uyğunluğu Dövlət İmtahan Mərkəzi ilə razılaşdırılmaqla, Təhsil Nazirliyi tərəfindən müəyyən olunur.


Etiketlər:  çox subbakalavr ixtisas qrupu üzrə məktəbə daxil olub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ