Aktual mövzular: Dollar alış-satışı, Neftin qiyməti, COP29, Hava proqnozu

Dağlıq Qarabağ separatçılarının lideri beynəlxalq hüquq normalarını bir daha pozdu

Tarix: 14 Oktyabr 2020 15:03

İşğal olunmuş Dağlıq Qarabağda yaradılmış qondarma rejimin lideri Araik Arutyunyan beynəlxalq hüquq normalarını bir daha pozub.

Sonxeber.net Trend-ə istinadən məlumatına görə, A.Arutyunyan erməni diasporlarına müraciət edərək Dağlıq Qarabağda Azərbaycana qarşı döyüşlərdə iştirak etməyə çağırıb.

Separatçı lider, həmçinin döyüşlər başladıqdan sonra ilk dəfə Azərbaycan ordusunun cəbhə bölgəsində irəlilədiyini etiraf edib:

"Bəzi istiqamətlərdə düşmən irəliləyə bilib, bəzi yerlərdə üstünlük onlarda olub və bir gün ərzində cəbhəni ərazimizin dərinliklərinə keçirə bilib"

O əlavə edib ki, bunun qarşısının alınması üçün yeganə yol sülhün bərqərar olmasıdır.

Qeyd edək ki, bundan əvvəl Ermənistan prezidenti Armen Sarkisyan da dünyada yaşayan ermənilərə müraciət edərək onlara Dağlıq Qarabağda döyüşməyə dəvət etmişdi. Bu da, öz növbəsində beynəlxalq hüququn pozulması deməkdir.

Whatsapp ilə göndər