Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan atmosferə zərərli tullantıların azaldılması üçün mühüm addımlar atır - Nazir

Tarix: 28 Oktyabr 2020 13:36

Bakı. Trend:

Azərbaycan alternativ enerjinin inkişafının sürətləndirilməsi üçün mühüm addımlar atır.

Trend-in məlumatına görə, bunu Energetika naziri Pərviz Şahbazov Bakı Beynəlxalq Enerji Xartiyası Forumunda deyib.

Onun sözlərinə görə, ölkənin hazırda əsas məqsədlərindən biri 2030-cu ilə qədər Azərbaycanda bərpa olunan enerji mənbələrinin payını 30%-ə çatdırmaqdır:

“2019-cu ildə Azərbaycanda alternativ enerjinin payı 17 faiz təşkil edirdisə, yaxın illərdə bu göstərici mühüm dərəcədə artacaq”.

Nazir əlavə edib ki, Azərbaycan alternativ enerjiyə keçidin modernləşdirilməsində fəal iştirak edir:

“Bugünkü gün üçün ən vacib tapşırıq atmosferə zərərli tullantıların azaldılmasıdır və alternativ enerji mənbələrinin qiymətlərinin azalması bizə buna nail olmaqda kömək edəcək”.

Whatsapp ilə göndər