Aktual mövzular: Dollar alış-satışı, Neftin qiyməti, COP29, Hava proqnozu

Daşınan elektronika bazarında tədarük həcmində 35% artım qeydə alınıb

Tarix: 4 Dekabr 2020 09:51

2020-ci ilin üçüncü rübündə qlobal daşınan elektronika bazarının həcmi 2019-cu ilin eyni dövrü ilə müqayisədə 35,1% artaraq 125 milyon olub. Bu barədə “Worldwide Quarterly Wearable Device Tracker”in hesabatında deyilir.

“ICTnews” Elektron Xəbər Xidməti “dailycomm.ru” saytına istinadən yazır ki, mütəxəssislər daşınan cihazlara tələbatın artmasını mövsümi amil və “Apple”, “Samsung” və başqa istehsalçıların yeni məhsullarının çıxarılması ilə izah ediblər. Bundan başqa, “COVID-19” koronavirus pandemiyası sözügedən bazarın inkişafına imkan yaradıb, istehlakçılar səyahət və restoranlara xərclərini azaldaraq fiziki aktivliyi izləməyə və idmanla məşğul olmağa kömək etməyə imkan verən elektronika cihazlarına daha çox pul xərcləməyə başlayıblar.

“Apple” korporasiyası daşınan elektronika bazarının lideri olaraq qalır, 2020-ci ilin iyul-sentyabrında bazar payı 33,1% təşkil edib. 13,6% göstəriciyə malik “Xiaomi” şirkəti ikinci yeri tutur. “Huawei” şirkəti üçüncü (11%) olub.

Emil Hüseynov

Whatsapp ilə göndər