Aktual mövzular: Dollar alış-satışı, Neftin qiyməti, COP29, Hava proqnozu

''Mona Liza''nı yaxından görmək üçün 100 min

Tarix: 19 Dekabr 2020 10:30

Fransada Luvr muzeyində qeyri-adi hərrac keçirilib.

Sonxeber.net Sputnik Azərbaycan-a istinadən bildirir ki, hərraca Leonardo da Vinçinin şah əsəri "Mona Lisa" ("La Gioconda") əsərinin illik yoxlanışında iştirak etmək üçün bilet qoyulub.

Belə ki, əsərin gülləkeçirməyən qabdan çıxarılması prosesində iştirak etmək üçün bir şəxs 98 min dollar ödəyərək, bileti alıb.

Qeyd edək ki, "Mona Liza" ilə görüş Luvr muzeyinin işini davam etdirməsi məqsədi ilə vəsait toplamaq üçün çəkilən lotlardan biri idi. Alıcı əfsanəvi əsəri qoruyucu şüşəsiz görə biləcək.

Hərrac 1-15 dekabr tarixlərində aparılıb.

Onlayn hərracda 2,365 milyon avro vəsait toplanıb. Satılan sənət əsərləri və eksklüziv saray təcrübələri 24 ölkədən sərgi iştirakçılarını özünə cəlb edib. Hərracdan əldə edilən gəlir Luvr tərəfindən "Hər kəs üçün Muzey" proqramı üçün istifadə ediləcək. Mədəniyyət sahəsində təhsil proqramları ilə yeni bir məkan yaradılacağı planlaşdırılır.

Whatsapp ilə göndər