Aktual mövzular: Dollar alış-satışı, Neftin qiyməti, COP29, Hava proqnozu
Tarix: 22 Dekabr 2020 12:32
Bakı. Ləman Zeynalova - Trend:
Pandemiya Heydər Əliyev adına Neft Emalı Zavodunun modernləşdirilməsi cədvəlinə ciddi təsir göstərib.
Bunu Trend-ə Azərbaycan Dövlət Neft Şirkətinin (SOCAR) Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov deyib.
O bildirib ki, pandemiyanın təsirini nəzərə alan yenilənmiş iş cədvəli əsas podratçılarla razılaşdırmanın yekun mərhələsindədir:
"Noyabrın sonuna olan vəziyyətə görə, yeni cədvəl çərçivəsində işlərin ümumi irəliləyişi 59 faiz səviyyəsində nəzərdə tutulur".
O əlavə edib ki, bu ilin sonunadək zavodun modernləşdirilməsi çərçivəsində vacib tapşırıqları başa çatdırmaq planlaşdırılır.