Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda qış öz sərt üzünü göstərir - FOTOlar

Azərbaycanda qış öz sərt üzünü göstərir - FOTOlar

Tarix: 25 Dekabr 2020 11:26

Şamaxıda qış öz sərt üzünü göstərir, rayonda qarlı-boranlı hava hökm sürür. Ötən gecədən etibarən rayonun demək olar ki, bütün yaşayış məntəqələrinə güclü qar yağmağa başlayıb.

Sonxeber.net xəbər verir ki, Rayon icra hakimiyyətindən AZƏRTAC-a bildirilib ki, dağlıq ərazilərdə qarın hündürlüyü 20-25 santımetrə çatır. Ən çox qar rayonun Y.Məmmədəliyev qəsəbəsi, Nağaraxana, Talışnuru, Ərçiman, Pirbəyli, Sis, Qaleybuğurd, Qızmeydan, Avaxıl və Dəmirçi kəndlərinə düşüb.

Kənd sakinləri qarın əkin sahəsinə müsbət təsir edəcəyini söyləyirlər. Belə ki, yağan qar məhsuldarlıqla yanaşı, taxıl sahələrində yuva quran zərərvericilərin kütləvi qırılmasına da səbəb olacaq.

Dekabrın 24-də səhər saatlarından Şamaxı-Pirqulu və Çuxuryurd-Qızmeydan avtomobil yollarında qarın təmizlənməsi işlərinə start verilib. Texnikanın köməyi ilə yollar təmizlənərək qum-duz qarışığı tökülüb. Hazırda magistral və kənd yollarında hərəkət normaldır.

Şamaxı ərazisində gecə saatlarında şaxta və dumanlı hava olacağı, yolların buz bağlayacağı gözlənildiyi üçün sürücülərə ehtiyatlı olmaları tövsiyə olunur.


Etiketlər:  Azərbaycanda qış sərt üzünü göstərir FOTOlar


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ