Aktual mövzular: Dollar alış-satışı, Neftin qiyməti, COP29, Hava proqnozu

Lukaşenko koronavirusa qarşı peyvənd olunmayacağını bildirib

Lukaşenko koronavirusa qarşı peyvənd olunmayacağını bildirib

Tarix: 26 Dekabr 2020 08:56

Belarus Prezidenti AleksandrLukaşenko koronavirusa qarşı peyvənd olunmayacağını bildirib.

Sonxeber.net APA-ya istinadən xəbər verir ki, prezident bu barədə Uşaq İnfeksiya Xəstəlikləri Klinikasına səfəri zamanı ONT telekanalına deyib.

Prezident qeyd edib ki, artıq bu barədə ölkənin Səhiyyə nazirinə də bildirib. O, səbəb kimi skeptiklərdən olduğunu söyləyib.

Lukaşenko, həmçinin, əlavə edib ki, bahar fəslində respublikada təxminən 1,2 milyon insanın peyvənd edilməsi planlaşdırılır: "Bəlkə də bu rəqəm 2 milyon ola bilər, insanların istədiyindən asılı olaraq say dəyişə bilər. Ölkədə beş-altı peyvənd növündən istifadə ediləcək. İlk növbədə Rusiya istehsalı olan peyvəndin yerli müəssisələrdə hazırlanması planlaşdırılıb".

Xatırladaq ki, bu il iyul ayının sonunda həkimlər Lukaşenkonun koronavirusa yoluxduğunu bildirmişdi.

Məlumat üçün bildirək ki, hazırda Belarusda bu günə qədər 181 mindən çox koronavirusa yoluxma, 1358 ölüm hadisəsi qeydə alınıb.


Etiketlər:  Lukaşenko koronavirusa qarşı peyvənd olunmayacağını bildirib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ