Aktual mövzular: Dollar alış-satışı, Məzənnə, Neftin qiyməti

Üçtərəfli bəyanatdan sonra Azərbaycanın ixracı 1,2 milyard manat arta bilər - Proqnoz

Üçtərəfli bəyanatdan sonra Azərbaycanın ixracı 1,2 milyard manat arta bilər - Proqnoz

Tarix: 12 Yanvar 2021 15:04

Bakı. Asif Mehman - Trend:

Moskvada Azərbaycan, Rusiya və Ermənistan arasında imzalanmış bəyanatda regionda nəqliyyat kommunikasiyalarının bərpası nəzərdə tutulur.

İqtisadi İslahatların Təhlili və Kommunikasiya Mərkəzinin rəhbəri Vüsal Qasımlı Trend-ə bildirib ki, kommunikasiyaların açılması nəticəsində Azərbaycanın ixracı 1,2 milyard manat arta bilər.

"Kommunikasiyaların açılması nəticəsində Ermənitsanın ticarət dövriyyəsində Türkiyənin payı 3 faizdən 13 faizə, Azərbaycanın payı isə ilk dövrdə minimumdan 1 faizə qədər arta bilər. Eyni zamanda regionda kommunikasiyaların açılması Azərbaycanın ixracını 1,2 milyard manat, qeyri-neft ÜDM-i 2 faiz, emal sənayesini 3 faiz və mədən sənayesini 2,7 faiz artıra bilər. Ümumi tarazlıq modeli əsasında hesablamalarımız göstərir ki, Qarabağın Azərbaycan iqtisadiyyatına reinteqrasiyası isə orta müddətli dönəmdə kənd təsərrüfatında 10,4 faiz, turizmdə 5,5 faiz, mədənçıxarma sənayesində 5,3 faiz, nəqliyyat xidmətlərində 4,9 faiz, emal sənayesində 4,3 faiz və digər xidmətlərdə 1,4 faiz, bütövlükdə qeyri-neft ÜDM-in formalaşmasında 5,1 faiz müsbət təsirə malik olacaq".


Etiketlər:  Üçtərəfli bəyanatdan sonra Azərbaycanın ixracı 12 milyard manat arta bilər Proqnoz


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ