Lukaku ilə İbrahimoviç qalmaqalı bu söyüşə görə olub

Tarix: 27 Yanvar 2021 17:16

İtaliya kubokunun 1/4 final mərhələsinin "İnter" - "Milan" matçında (2:1) Romelu Lukaku ilə Zlatan İbrahimoviç arasındakı qalmaqalın səbəbi bəlli olub.

Sonxeber.net qol.az-a istinadən xəbər verir ki, ilk hissəsin sonlarında "Milan"ın müdafiəçisi Alessio Romanyoli Romelu Lukakuya qarşı kobud oynayıb. Lukaku ilə Romanyoli arasındakı mübahisəyə İbrahimoviç də qoşulub. Nəticədə bu iki oyunçu kəllə-kəlləyə gəlib, lakin insident əlbəyəxa davaya çevrilməyib.

"Sportmediaset" saytı bildirib ki, Zlatan Lukanın ünvanına bu təhqiramiz ifadəni işlədib:  "Get ... ye, eşşək". Cavabında Lukaku İbrahimoviçi "fahişə oğlu" adlandırıb.

Qeyd edək ki, baş hakim hər iki oyunçuya sarı vərəqə göstərib. 58-ci dəqiqədə isə İbrahimoviç kobud oyuna görə ikinci sarı vərəqəni alaraq, meydandan qovulub.