"Sizə daha 20 il söz verə bilmərəm, amma..." - Ronaldudan təşəkkür mesajı

Tarix: 6 Fevral 2021 13:10

Portuqaliya millisinin və "Yuventus"un futbolçusu Kriştianu Ronaldu 36 yaşının tamam olması ilə bağlı mesaj yayımlayıb.

Milli.Az qol.az-a istinadən xəbər verir ki, dünən ad gününü qeyd edən portuqaliyalı hücumçu azarkeşlərə təşəkkür edib:

36 yaş, inanılmaz! Hər şeyin dünən başladığını hiss edirəm, amma bu səyahət onsuz da xatırlamaq üçün macəralar və hekayələrlə doludur. İlk topum, ilk komandam, ilk qolum ... Zaman keçir.

Madeyradan Lissabona, Lissabondan Mançesterə, Mançesterdən Madridə, Madriddən Turinə, amma hər şeydən əvvəl ürəkdən bütün dünyaya. Bacardığım hər şeyi etdim heç vaxt özümü saxlamadım və həmişə ən yaxşısını etməyə çalışdım. Bunun müqabilində mənə sevgini və heyranlığını, varlığını və qeyd-şərtsiz dəstəyini verdiniz. Bunun üçün sizə heç vaxt yetəri qədər təşəkkür edə bilməyəcəm. Sizsiz bunu edə bilməzdim.

36-cı yaşımı və peşəkar futbolçu kimi karyeramın 20-ci ildönümümü qeyd edərkən sizə  daha 20 il  söz verə bilmərəm. Amma davam etdiyim müddətdə heç vaxt məndən yüz faizdən aşağısını görməyəksiniz.

Bu gün də dəstəyiniz və xoş arzularınız üçün bir daha təşəkkür edirəm. Bu mənim üçün çox şey deməkdir və hamınızın ürəyimdə xüsusi bir yeriniz var".

Milli.Az