Aktual mövzular: Dollar alış-satışı, Neftin qiyməti, COP29, Hava proqnozu

Türkiyədə 2023-cü ilə qədər 1,6 milyard ağac əkiləcək

Türkiyədə 2023-cü ilə qədər 1,6 milyard ağac əkiləcək

Tarix: 26 Mart 2021 22:00

Həyata keçirilən ağacəkmə kampaniyaları çərçivəsində 2023-cü ilə qədər Türkiyədə 1,6 milyard ağac tinginin əkilməsi nəzərdə tutulur.

Sonxeber.net AZƏRTAC-a istinadən xəbər verir ki, bu barədə Türkiyənin Meşəçilik Baş İdarəsinin müdiri Bekir Karacabey bildirib.

B.Karacabey bu kampaniyaların başda ölkənin təhsil müəssisələri olmaqla, bir çox qurumlarında keçirildiyini deyib.

Birləşmiş Millətlər Təşkilatının Qida və Kənd Təsərrüfatı İdarəsi (FAO) tərəfindən 1971-ci il martın 21-nin Dünya Meşəçilik Günü elan edildiyini xatırladan Bekir Karacabey bu tarixin 1975-ci ildən etibarən Türkiyədə də qeyd olunduğunu və 21-26 mart tarixlərinin qardaş ölkədə "Meşə Həftəsi" olduğunu deyib. Bildirilib ki, meşələrin insanlıq üçün nə qədər dəyərli olduğu iqlim dəyişikliyi ilə daha da çox özünü büruzə verib. Son 20 il ərzində Türkiyənin meşəlik ərazisi 2,1 milyon hektar artaraq 22,9 milyon hektara çatıb. Bu da Türkiyənin ümumi ərazisinin 29,4 faizini təşkil edir. Son beş ildə ərazisinin yaşıllıq hissəsinin artması baxımından Türkiyə dünya ölkələri arasında 46-cı yerdən 27-ci pilləyə yüksəlib.


Etiketlər:  Türkiyədə 2023 ilə qədər milyard ağac əkiləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ