“Sabah”la Zaqreb “Dinamo”su əməkdaşlığa başladı – Şəkillər

Tarix: 31 Iyul 2019 13:00

Bakının “Sabah” və Zaqrebin “Dinamo” klubları əməkdaşlığa başlayıb.

Qol.az-ın xəbərinə görə, bununla əlaqədar Azərbaycan və Xorvatiya təmsilçiləri arasında müqavilə imzalanıb. Əməkdaşlıq iki klubun futbol akademiyalarının təcrübə mübadiləsini nəzərdə tutur.

“Maksimir” stadionunda keçirilən imzalanma mərasimində “Sabah”ın prezidenti Maksud Adığözəlov, klubun seleksiya xidmətinin rəhbəri İlqar İsrafilov, “Dinamo”nun prezidenti Mirko Barişiç və digər şəxslər iştirak ediblər.

“Sabah”ın prezidenti Murad Adıgözəlov bildirib ki, Xorvatiya futbolu bütün dünyada tanınır: “Dinamo” ilə əməkdaşlıq Azərbaycan futbolçu üçün əla töhfə olacaq. Qeyd etməliyəm ki, Azərbaycan millisinin sabiq və hazırkı baş məşqçiləri (Robert Prosineçki və Nikola Yurçeviç – red.) məhz Xorvatiya yığmasının oyunçuları olub. Biz çox şadıq ki, “Dinamo” kimi böyük klubla əməkdaşlıq müqaviləsi imzalayırıq. Bu, Azərbaycanla Xorvatiya arasında yaxşı diplomatik münasibətlərin göstəricisidir”.

“Dinamo”nun prezidenti Mirko Barişiç isə bildirib ki, bu müqavilə təkcə iki klub deyil, Azərbaycanla Xorvatiya futbolu arasında uğurlu əməkdaşlıq istiqamətində ilk addımdır.

Yuxarı