Aktual mövzular: Dollar alış-satışı, Neftin qiyməti, COP29, Hava proqnozu

Bədii gimnastlarımız daha 3 medal qazandı - FOTO

Bədii gimnastlarımız daha 3 medal qazandı - FOTO

Tarix: 3 May 2021 15:26

Bədii gimnastlarımız 30 aprel-2 may tarixlərində Polşanın paytaxtı Varşava şəhərində keçirilən bədii gimnastika üzrə "İrina Cup" beynəlxalq turnirində daha 3 medal qazanıblar.

Sonxeber.net Azərbaycan Gimnastika Federasiyasına istinadən bildirir ki, bu yarışda ölkəmizi Kamilla Seyidzadə, Alina Məmmədova, Məryəm Əliyeva, Gövhər İbrahimova, Aydan Rəhimova və Şəms Ağahüseynova təmsil edib.

Gimnastlarımız bu yarışdan vətənə 1 gümüş və 2 bürünc medalla geri dönüblər.

Gənclər arasında yarışan Kamilla lentlə final çıxışına görə gümüş medala layiq görülüb. 2009-cu il təvəllüdlü gimnastlar arasında çıxış edən Gövhər çoxnövçülükdə bürünc medal qazanıb. Şəms isə 2010-cu il təvəllüdlülər arasında çoxnövçülük yarışlarında 3-cü olub.

2009-cu il təvəllüdlülər arasında yarışan Məryəm medalın bir addımlığında dayanaraq, çoxnövçülükdə 4-cü olub. Onunla eyni yaş qrupunda mübarizə aparan Aydan isə həmin proqram üzrə 7-ci olub. Gənclər arasında iştirak etmiş daha bir gimnastımız Alina isə ən yaxşı nəticəni top və gürzlərlə göstərərək, hər iki çıxış proqramı üzrə finalda 6-cı olub.


Etiketlər:  Bədii gimnastlarımız daha medal qazandı FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ