Alimlərdən dünyanı gözləyən təbii fəlakətlə bağlı həyəcan təbili

Tarix: 27 May 2021 23:26

Amerikalı alimlər Antarktidada buzlaqların əriməsi ilə bağlı həyəcan təbili çalıb.

Sonxeber.net "qafqazinfo"-ya istinadən xəbər verir ki, alimlər Nyu-York və Şanxay kimi sahil şəhərlərinin su altında qalacağı ilə bağlı xəbərdarlıq ediblər.

Mütəxəssislər Antarktidada qlobal istiləşmə nəticəsində Dünya Okeanının səviyyəsini 60 metr artıracaq qədər buzun olduğunu söyləyirlər.

"Biz artıq bu problemin ilk əlamətlərini görürük", - deyə məlumatda bildirilir.

Sonuncu tədqiqatlara əsasən, buzların əriməsi son bir neçə on ildə nəzarətdən çıxa bilər. Mütəxəssislərin fikrincə, istixana qazlarının azaldılması və texnoloji inkişaf belə bu fəlakətin qarşısını ala bilməyəcək.

Onların sözlərinə görə, istixana qazı tullantıları hazırkı sürətində olsa belə, Antarktika buz təbəqəsi kritik ərimə həddini təxminən 2060-cı ilə qədər keçəcək. Yerin karbon qazlarından təmizlənməsi belə bu prosesi dayandırmayacaq və 2100-cü ildə okeanın səviyyəsi bugünkü günlə müqayisədə 10 dəfə sürətlə qalxacaq.