Aktual mövzular: Dollar alış-satışı, Neftin qiyməti, COP29, Hava proqnozu

Küçə rəssamı Vatikanı məhkəməyə verdi - FOTO

Tarix: 28 May 2021 18:02

Küçə rəssamı Alessia Babrou rəsm əsərini icazəsiz marka üzərində təsvir etdiyi üçün Vatikanın əsas poçt şöbəsini məhkəməyə verib.

Sonxeber.net oxu.az-a istinadən bildirir ki, bu barədə "Associated Press" xəbər yayıb.

Məlumata görə, rəssam 2019-cu ildə Vatikan yaxınlığındakı bir körpüdə İsa Məsihin təsvirini çəkib və əsəri öz inisialı ilə imzalayıb.

Bir il sonra qadın rəsminin Pasxa poçt markalarında istifadə olunduğunu görüb. Hər birinin dəyəri 1,15 avro olan marka 80 min tirajla çap edilib.

Rəssam heç kimin ondan buna görə icazə istəmədiyini və beləliklə də müəllif hüquqlarının pozulduğunu bildirib. Buna görə o, 130 min avro təzminat tələb edir.

Alessia Babrou həmçinin şikayətinin Katolik Kilsəsinə hücum olmadığını, sadəcə müəllif hüquqlarını qorumağa çalışdığını vurğulayıb.

Müəllif hüququ üzrə mütəxəssis Massimo Sterpi qeyd edib ki, ABŞ-ın və Avropanın əksər ölkələrində küçə sənətçilərinin müəllif hüquqları (əsər icazəsiz və ya özəl ərazidə yaradılsa belə) qanunla qorunur.