Aktual mövzular: Dollar alış-satışı, Məzənnə, Neftin qiyməti

Körpə azərbaycanlı Türkayın adı yasaqlanmışdı, amma... - FOTO

Körpə azərbaycanlı Türkayın adı yasaqlanmışdı, amma... - FOTO

Tarix: 4 Iyun 2021 10:34

Təbriz şəhər Qeydiyyat İdarəsi Türkay adı ilə doğum şəhadətnaməsi verməyə məcbur oldu

Azərbaycanlı valideynlərin şikayəti əsasında Təbriz şəhər Məhkəməsi Türkay adı ilə doğum haqqında sənəd verilməsi barədə qərar çıxarıb.

Milli.Az bildirir ki, İranın Şərqi Azərbaycan vilayətinin Məhkəmə Vəkillərinin İnsan Haqları Komisssiyasının sədr müavini Sina Yusifi özünün Tvitter səhifəsində Qeydiyyat İdarəsinin Türkay adı ilə doğum şəhadətnaməsi veriməli olduğuna dair Təbrizdə məhkəmənin çıxardığı qərarı paylaşıb.

Qərarda bildirilir ki, Qeydiyyat İdarəsinin azərbaycanlı körpənin valideynlərinin ona seçdiyi Türkay adı ilə doğum sənədi verməsində problem yoxdur.

Qeyd edək ki, Təbriz şəhər Qeydiyyat İdarəsi bu ilin yanvarın 1-də azərbaycanlı valideynlərə yeni doğulan körpələrinə Türkay adının türkcə olduğu üçün doğum bəlgəsi verməkdən imtina etmişdi.

Türkayın validenləri bununla bağlı məhkəməyə müraciə edib və 5 aydan sonra məhkəmə Türkay adının qeydiyyata alınması barədə qərar verib.

Milli.Az


Etiketlər:  Körpə azərbaycanlı Türkayın adı yasaqlanmışdı amma FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ