''Neftçi''nin Avropa Liqasında potensial rəqibləri müəyyənləşib

Tarix: 5 Avqust 2019 16:40

Bakı. Orxan Nəbiyev - Trend:

İsveçrənin Nyon şəhərində UEFA Avropa Liqasının pley-off mərhələsinin püşkatma mərasimi keçirilib.

Trend-in məlumatına görə, “Neftçi” üçüncü təsnifat mərhələsində İsrailin “Bney Yehuda” klubunu keçəcəyi təqdirdə “Malmö” (isveç) - "Zrinski" (Bosniya və Herseqovina) cütünün qalibi ilə qarşılaşacaq. İlk görüş səfərdə baş tutacaq.

Eyni zamanda, “Qarabağ” Çempionlar Liqasının üçüncü təsnifat mərhələsində APOEL səddini keçə bilməsə, mübarizəni Avropa Liqasının pley-off mərhələsində davam etdirəcək. Bu təqdirdə ağdamlıların rəqibi “Sutyeska” (Monteneqro) – “Linfild” (Şimali İrlandiya) cütünün qalibi olacaq. İlk görüş səfərdə baş tutacaq.

Qeyd edək ki, pley-off mərhələsinin ilk görüşləri 22 avqust, cavab görüşləri 29 avqust tarixlərində keçiriləcək.

Trend-in ən mühüm və maraqlı xəbərlərini "Telegram"da izləyin