Aktual mövzular: Dollar alış-satışı, Neftin qiyməti, COP29, Hava proqnozu

Bordin zədəli oyunçular və Rauf haqda

Bordin zədəli oyunçular və Rauf haqda

Tarix: 7 Avqust 2019 18:20

“Neftçi”nin baş məşqçisi Roberto Bordin komandanın zədələnmiş əsas futbolçularından danışıb.

Qol.az-ın xəbərinə görə, o, bu gün keçirdiyi mətbuat konfransında Emin Mahmudov, Ömər Buludov və Baqali Dabonun son durumları haqda məlumat verib: “Eminlə Ömər artıq komandayla ümumi məşq edirlər. Dabo isə iki gündü komandayla hazırlığa qatılıb. Ancaq fikrimcə, hələ yüz faiz hazır deyil. Sevinirəm ki, artıq komandanın yanındadır”.

Bordin bildirib ki, çox güman Avropa Liqasının üçüncü təsnifat mərhələsinin İsrail “Bney Yehuda”sına qarşı matçda Dabo ehtiyat oyunçular skamyasında yer alacaq.

“Rauf Əliyev son 4 oyunda mübarizliyi ilə seçilir. Dabo qayıdandan sonra necə olacaq” sualına Bordinun cavabı belə olub: “Rauf meydançada çox vuruşur, əzmkarlıq göstərir. Son oyunda vacib qol vurdu ki, bu da komandaya daha da motivasiya verdi. Əlbəttə, hər bir baş məşqçi üçün xoşdur ki, bütün heyət əlinin altındadır. Növbəti oyunlarda məşqlərə baxaraq ən yaxşı "11-liy"i quracağıq”.

 


Etiketlər:  Bordin zədəli oyunçular Rauf haqda


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ