Aktual mövzular: Dollar alış-satışı, Neftin qiyməti, COP29, Hava proqnozu

Miqrant axını ilə əlaqədar Litvada fövqəladə vəziyyət rejimi elan edilib

Tarix: 4 Iyul 2021 20:24

Litva hökuməti Belarus ilə sərhəddə qanunsuz miqrant axını ilə əlaqədar ölkədə fövqəladə vəziyyət rejimi elan etmək qərarına gəlib.

Sonxeber.net AZƏRTAC-a istinadən bildirir ki, Litvanın daxili işlər naziri Aqne Bilotayte bununla əlaqədar fövqəladə əməliyyat üzrə operativ rəhbər təyin edilib.

Litvanın Daxili İşlər Nazirliyindən verilən məlumatda bildirilib ki, sərhədçilər gün ərzində dövlət sərhədini qanunsuz şəkildə keçməyə çalışan 150 miqrantı saxlayıblar. Bu da əvvəlki sutkalıq göstəricilərdən təxminən üç dəfə çoxdur. Hazırda qeyri-leqal miqrantların yerləşdirilməsi məqsədilə 835 nəfərlik yer ayrılıb. Həmin yerlərdən 500-ü artıq tutulub.

Carı ildə ümumilikdə 822 qanunsuz miqrant Belarus-Litva sərhədini keçməyə çalışıb ki, bu da 2020-ci illə müqayisədə on dəfə çoxdur.

Whatsapp ilə göndər