Almaniya vaksinləmə başa çatdıqdan sonra məhdudiyyətləri ləğv edəcək

Tarix: 7 Iyul 2021 21:26

Almaniya XİN-də hesab edirlər ki, vaksinləmə kampaniyasının məntiqi sonu yaxınlaşdıqca koronavirus məhdudiyyətlərini qismən yumşaltmaq, daha sonra isə tamamilə ləğv etmək mümkün olacaq. Lakin bu, ölkənin bütün sakinlərinin vaksinləmədən keçəcəyi halda mümkün olacaq. AFR-in daxili işlər naziri Hayko Maas hesab edir ki, belə vəziyyəti artıq avqust ayında gözləmək mümkündür.

Sonxeber.net AZƏRTAC-a istinadən bildirir ki, nazir bu barədə "Süddeutsche Zeitung" qəzetinə müsahibəsində bildirib. Maas hesab edir ki, əgər bütün almanlar peyvənd vurdurarsa, o halda məhdudiyyətlər üçün hüquqi və siyasi əsaslar olmayacaq.

Daha əvvəl Milli Həkimlər Assosiasiyasının idarə heyətinin sədri Andreas Qassen də eyni fikri bildirib. Ölkədə sentyabradək bütün arzuedənlər üçün vaksinləmə prosesinin başa çatacağını hesab edənlər daha çoxdur. Belə olan halda hər kəs maskanı taxmağa davam etməsi ilə bağlı özü qərar verə bilər. Hər halda bu, daha məcburi olmayacaq.