Bunlardan imtina edin! - Qadınların diqqətinə

Tarix: 19 Avqust 2021 05:03

Gözəllik fədakarlıq tələb edir

Bir qadın olaraq fədakarlıq etmək məcburiyyətində qaldığınız şeylər haqqında düşündünüzmü heç ? Bir çoxlarınızın yəqin ki, ilk ağlına gələn uşaqlarını böyütmək üçün karyerasına son qoyan qadınlardır. Bəs sağlamlığınız üçün fədakarlıq edərək imtina etdiyiniz qidalar necə? Ailem.az sizə bəzi məsləhətlər verir.

Şəkər yerinə meyvə: Hər birimiz gün ərzində çoxlu şəkərli qidalar, biskvitlər əvəzinə meyvə yesək, daha yaxşı olar. Şəkərli qidalar çəkimizlə bağlı problem yaratmaqla yanaşı ürəyimizin fəaliyyəti üçün də ziyandır.

Pendirli kökə, pudinq yerinə qara şokolad: Axşam yeməyindən sonra dadlı pudinq yeməkdən heç kim imtina edə bilməz.A ncaq pudinqin bir oturuşa 500 kalori qazandırdığını bildiyimiz üçün əvəzində qara şokolad yeməyimiz daha məsləhətlidir.

Şərabdən uzaq durun: Çoxları iş yorğunluğunu unutmaq üçün 1-2 qədəh şərab içməyi xoşlayır. Bunu aludəçiliyə çevirməsəniz, yaxşı olar. Amma əmin olun ki, şərabdan uzaq dursanız, dəriniz gözəlləşəcək, çəkiniz normaya düşəcək. Bunlara nail olduqdan sonra şərabdan imtina etmək elə də böyük fədakarlıq hesab olunmaz.

Çoxlu balıq yeyin: Bəlkə də balığı çox xoşlamırsınız. Amma bilməlisiniz ki, balıq çox xeyirli dietik yeməklərindən biridir. Tərkibində omeqa 3 zəngin olduğu üçün həftədə 2 dəfə balıq yeməyə çalışın.

Qırmızı əti azaldın: Qırmızı ət B12 vitamini və dəmir cəhətdən zəngin olsa da, dəri xərçənginin yaranmasına səbəb olur. Sağlığınızı qorumaq üçün qırmızı əti ən azı həftədə 1 dəfə yeməniz gərəklidir.

Mütləq səhər yeməyi yeyin: Bir çoxlarınız işə, ya da dərsə tələsdiyi üçün evdə səhər yeməyi yeməyə vaxtı olmur. İşdə bol köpüklü qəhvə içməklə, ya da dükanlardan aldıqları qoğalla kifayətlənirlər. Amma yadınızda saxlayın ki, səhər yeməyi çox vacibdir. Hətta yumurtanı çörəyin arasına qoyub yemənin özü belə çox xeyirlidir.