Aktual mövzular: Dollar alış-satışı, Neftin qiyməti, COP29, Hava proqnozu

Bakıda tuneldə zəncirvari qəzada xəsarət alanlar var - FOTO

Tarix: 30 Oktyabr 2021 08:34

Bakının Nərimanov rayonunda sərnişin avtobusu yük avtomobili ilə toqquşub.

Sonxeber.net APA-ya istinadən xəbər verir ki, hadisə Ziya Bünyadov prospektində üzü Koroğlu metrosu istiqamətində baş verib.

Tuneldə yüksək sürətlə hərəkətdə olan "KamAZ" markalı yük avtomobilinin sürücüsü əyləcdən istifadə edib. Yük avtomobilinin əyləc sistemi xarab olduğundan nəqliyyat vasitəsi əvvəlcə 2 "Toyota", 2 "Hyundai" və "Mercedes" markalı minik avtomobillərinə çırpılıb.

İdarəetmədən çıxan "KamAZ" daha sonra eyni istiqamətdə hərəkətdə olan "BakuBus MMC"yə məxsus 13 nömrəli marşrut xətti üzrə hərəkət edən sərnişin avtobusuna çırpılıb. Daha sonra yük avtomobili tunelin beton divarına çırpılaraq dayanıb.

Yük avtomobilinin sürücüsü APA-ya verdiyi müsahibəyə görə, o Nəvai postundan çıxaraq şəhərə yük gətirirmiş. Əyləc sisteminin xarab olması da qəzaya səbəb olub. Avtoqəza zamanı yük avtomobilinin sürücüsü və sərnişini xəsarət alıb.