Aktual mövzular: Dollar alış-satışı, Məzənnə, Neftin qiyməti

Yeni “Samsung” smartfonları təqdim edilib

Yeni “Samsung” smartfonları təqdim edilib

Tarix: 23 Avqust 2019 14:48

“Samsung” şirkəti “Galaxy A50s” və “Galaxy A30s” smartfonlarını nümayiş etdirib. Orta qiymət seqmentinə aid qurğular barmaq izi skaneri ekran altında yerləşən 6,4 düym diaqonallı displeylərlə təchiz edilib.

 

“ICTnews” Elektron Xəbər Xidməti “NEWSru” resursuna istinadən yazır ki, “Galaxy A30s” modeli 25, 8 və 5 meqapikselli üç əsas kamera, 16 meqapikselli ön kamera, 15 vattadək sürətli enerjidoldurmanı dəstəkləyən 4 min milliamper/saat tutumlu batareya ilə təchiz olunub. Qurğunun aparat əsasını səkkiznüvəli (iki 1,8 QHs və altı 1,6 QHs) prosessor, 3 və ya 4 giqabaytlıq operativ və 32, 64 və 128 giqabaytlıq quraşdırılmış yaddaş təşkil edir.

 

“Galaxy A50s” modeli 48, 8 və 5 meqapikselli üç əsas arxa kamera, 32 meqapikselli ön kamera, “Galaxy A30s” kimi analoji tutuma malik akkumulyator, səkkiznüvəli (dörd 2,3 QHs, və dörd 1,7 QHs) prosessor, 4 və ya 6 giqabaytlıq operativ və 64 və 128 giqabaytlıq quraşdırılmış yaddaşla təchiz edilib.

 

Yeni smartfonlar “Samsung One UI” interfeysli “Android 9.0 Pie” əməliyyat sisteminin idarəetməsi ilə işləyir.

 

Nizam Nuriyev




Etiketlər:  Yeni Samsung smartfonları təqdim edilib


RƏYLƏR



Populyar Xəbərlər

XƏBƏR LENTİ