Aktual mövzular: Dollar alış-satışı, Neftin qiyməti, COP29, Hava proqnozu

“Intel” süni intellekt üçün ilk prosessor hazırlayıb

Tarix: 23 Avqust 2019 17:04

"Intel" şirkəti "Nervana NNP-I" (digər adı Springhill) prosessorunu təqdim edib.

"ICTnews" Elektron Xəbər Xidməti "Digger" resursuna istinadən yazır ki, Çip böyük hesablama mərkəzlərində süni intellekt sistemlərinin fəaliyyəti üçün nəzərdə tutulub. Bu, şirkət tərəfindən süni intellektlə iş üçün yaradılan ilk prosessordur.

Məlumata görə, 10 nanometrlik "Ice Lake" prosessoru əsasında yaradılan "Springhill" minimal enerji miqdarından istifadə etməklə yüksək gərginliyin öhdəsindən gəlməyə imkan verir. Çipin "Intel Xeon" server mikroprosessorlarının imkanlarını tamamlayacağı gözlənilir.

Texnologiya "Intel" şirkətinin İsrail startaplarına, o cümlədən süni intellekt təlimini sürətləndirən prosessorların hazırlanması ilə məşğul olan "Habana Labs" və belə çiplər üçün arxitektura yaradan "NeuroBlade" şirkətlərinə yatırılan investisiyalar sayəsində ərsəyə gətirilib.

Nizam Nuriyev

Whatsapp ilə göndər