Aktual mövzular: Dollar alış-satışı, Neftin qiyməti, COP29, Hava proqnozu

Blinken Ukrayna və Gürcüstanın NATO-ya daxil olması üçün şərtləri açıqlayıb

Blinken Ukrayna və Gürcüstanın NATO-ya daxil olması üçün şərtləri açıqlayıb

Tarix: 12 Dekabr 2021 22:40

"Ukrayna və Gürcüstan tələblərə cavab verərsə, NATO üzvlüyündə irəliləyə bilər".

Sonxeber.net APA-ya istinadən bildirir ki, bunu ABŞ dövlət katibi Entoni Blinken NBC telekanalına müsahibəsində deyib.

"Alyans hələ 2008-ci ildə təsdiqləyib ki, təşkilat Ukrayna və Gürcüstan üçün açıqdır. Əgər onlar üzvlük üçün müraciət etməyə davam etsələr və tələblərə cavab versələr, bu məsələnin həlli yaxınlaşacaq", E.Blinken bildirib.

Dövlət katibinin sözlərinə görə, NATO yarandığı gündən açıq şəkildə bəyan edib ki, qapıları üzvlüyə can atan və lazımi meyarlara cavab verən istənilən Avropa ölkəsi üçün açıqdır.

Qeyd edək ki, 2008-ci il sammitində Şimali Atlantika Alyansı Ukrayna və Gürcüstanın üzv olacağına dair siyasi bəyanat qəbul edib. Lakin hər iki ölkəyə təşkilata üzv olmaq üçün hüquqi prosedurun ilk addımı olan üzvlüyə hazırlıq üçün fəaliyyət planını təqdim etməkdən imtina edib.


Etiketlər:  Blinken Ukrayna Gürcüstanın NATO daxil olması üçün şərtləri açıqlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ