Obamanın keçmiş müşaviri fırıldaqçılıqda təqsirləndirilir

Tarix: 15 Yanvar 2022 08:10

ABŞ-ın 44-cü prezidenti Barak Obamanın administrasiyasının keçmiş əməkdaşı Set Endryu özünü elektron vasitələrlə fırıldaqçılıqda təqsirli bilir.
Sonxeber.net APA-ya istinadən xəbər verir ki, bu əməlinə görə onu 20 ilədək həbs gözləyir.

Nyu-Yorkun Cənub dairəsinin prokuroru Damian Uilyams bildirib ki, Ağ Evin keçmiş müşaviri Set Endryu məktəblərin talanması sxeminin hazırlanmasında iştirakını etiraf edib. Onu və ona kömək edənləri səlahiyyətlərindən sui-istifadə ittihamı ilə həbs cızası gözləyir.

Prokurorluq bildirir ki, Endryu 2005-ci ildə Nyu-Yorkda dövlət məktəbləri şəbəkəsinin təşkilində iştirak edib. Sonradan karyerasını Ədliyyə Nazirliyi və Ağ evdə davam etdirib.
Ona qanuna görə 20 ilədək həbs cəzası verilə bilər. Endryu dəyən ziyanı ödəməyə razı olub. Məhkəmənin hökmü aprelin 14-də elan ediləcək.