''Tacir Şahmalıoğlu Fədayə Laçınla gündəmə gəlir''

Tarix: 3 Fevral 2022 19:20

Stilist Elnur Həsənov müğənni Tacir Şahmalıoğlunun duet ortağı Fədayə Laçın haqda danışmasını tənqid edib.

Sonxeber.net axşam.az-a istinadən xəbər verir ki,  stilist bu haqda "Deməsəm olmaz" proqramında danışıb. O, Tacirin bir müddət əvvəl verdiyi "Xanımım Fədayə Laçına görə intihara cəhd edib" açıqlamasına münasibət bildirib:

"Bircə tutarlı mahnısı var ki, o da "Bayatı şiraz"dır. Böyük sənətkar ola, işlər görə bilərsiz. Amma məncə, həyatında ilk və son oxuduğu gündəm olan bu mahnı olub. Ondan sonra tutarlı heç nə yoxdur. Nə yaxşı sonra da Fədayə Laçınla oxumusan.

Bir də Fədayə haqqında açıqlaması... Bir bəy olaraq ona bunu yaraşdırmıram. Ola bilər bir münasibət qurmusuz, pis, yaxşı həyat keçirmisiz. Hörmət naminə xanımın adını çəkmə. Fədayə Laçının böyük oğlu var, heç burda da yaşamır. Hər dəfə çıxıb Fədayə Laçından danışırsız. Niyə gündəmə gətirirsən? Niyə deyirsən, xanımım Fədayəyə görə intihar etmək istəyib? Niyə illər əvvəl danışmadınız, indi açıqlayırsız? Məncə, Tacir Şahmalıoğlunun içində Fədayə sevgisi qalıb. İkisi də böyük sənətə və istedada sahibdir. İnsanın sənəti böyükdür. Fədayə Laçının başına gəlməyən qalmadı, həbsxanada olanda belə onla qalmaqal etdi. Tacir Şahmalıoğlu Fədayə Laçınla gündəmə gəlir. Sizin də, xanımın da böyük oğlu var. Bir-birinizə hörmət edin".