Aktual mövzular: Dollar alış-satışı, Məzənnə, Neftin qiyməti

Bu insanların “Omicron”a yoluxması risklidir - XƏBƏRDARLIQ

Bu insanların “Omicron”a yoluxması risklidir - XƏBƏRDARLIQ

Tarix: 5 Fevral 2022 05:22

Son həftələrdə koronavirusun "Omicron" ştammına yoluxduqdan sonra kəskin pnevmoniya ilə 60 və daha yuxarı yaşlı xəstələrin xəstəxanaya yerləşdirilməsində nəzərəçarpacaq artım müşahidə olunub.

Milli.Az lent.az-a istinadən xəbər verir ki, Yaponiyanın Fudzimino Tibb Mərkəzinin mütəxəssisləri bu barədə xəbərdarlıq ediblər.

Mütəxəssislərin sözlərinə görə, həmin göstərilən xəstələrin yarısından çoxu xəstəxanaya pnevmoniya ilə gəlib və süni nəfəs aparatına ehtiyacları olub.

Tibb müəssisəsinin direktoru Akira Kanonun sözlərinə görə, kəskin pnevmoniyaya uzun müddət peyvənd olunmuş yaşlı xəstələrdə, hətta peyvəndin iki dozasını alsa belə, rast gəlinir.

O, həmçinin qeyd edib ki, "Omicron" ştammının "yumşalması" ilə bağlı məlumatlar onun praktikada gördükləri ilə uyğun gəlmir.
 
Məhz buna görə də mütəxəssislər 60 yaşdan yuxarı insanlara "Omicron" ştammının koronavirusun əvvəlki ştamlarından daha az təhlükəli olması ilə bağlı bəyanatlar fonunda xüsusilə diqqətli olmağı və sayıqlığı itirməməyi tövsiyə edir.

Milli.Az


Etiketlər:  Bu insanların Omicrona yoluxması risklidir XƏBƏRDARLIQ


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ