Aktual mövzular: Dollar alış-satışı, Neftin qiyməti, COP29, Hava proqnozu

ABŞ vətəndaşlarını Belarusu dərhal tərk etməyə çağırdı

ABŞ vətəndaşlarını Belarusu dərhal tərk etməyə çağırdı

Tarix: 26 Fevral 2022 16:52

Amerika Birləşmiş Ştatlarının Dövlət Departamenti ABŞ vətəndaşlarını Belarusu dərhal tərk etməyə çağırıb.

Milli.Az APA-ya istinadən bildirir ki, bu barədə ABŞ-ın Belarusdakı səfirliyi "Twitter" hesabında məlumat yayıb.

"Dövlət Departamenti ABŞ vətəndaşlarına Belarusa səfər etməməyi tövsiyə edir və Belarusdakı ABŞ vətəndaşlarını dərhal ölkəni tərk etməyə çağırır" - deyə qeyd olunub.

Bildirilib ki, Minsk hava limanı vasitəsilə müəyyən beynəlxalq istiqamətlərdə ölkəni tərk etmək olar. Litva, Latviya və Polşa ilə quru sərhədləri açıqdır və adi rejimdə işləyir.

Səfirliyin saytında Amerika vətəndaşlarına müraciətdə isə qeyd olunub ki, Rusiyanın Ukraynaya hücumu səbəbindən regionda gərginlik artıb, vəziyyət gözlənilməzdir, hava limanının və quru sərhəd keçid məntəqələrinin fəaliyyəti əvvəlcədən xəbərdarlıq edilmədən dəyişə bilər.

Milli.Az


Etiketlər:  ABŞ vətəndaşlarını Belarusu dərhal tərk etməyə çağırdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ