Aktual mövzular: Dollar alış-satışı, Neftin qiyməti, COP29, Hava proqnozu

Misirin tarixində ilk

Misirin tarixində ilk

Tarix: 7 Mart 2022 20:04

Misirin tarixində ilk qadın hakim məhkəmə prosesinə çıxıb. Ölkənin ədliyyə sistemi üçün bu əlamətdar hadisə Prezident Əbdülfəttah əs-Sisinin sərəncamı ilə zərif cinsin universitetlərin hüquq fakültələrinin məzunları olmuş 98 nümayəndəsinin məhkəmə hakimi vəzifəsinə təyin edilməsi ilə bağlıdır.

Sonxeber.net AZƏRTAC-a istinadən bildirir ki, Misir tarixində ilk məhkəmə prosesinə çıxan qadın hakim Radva Hilmi olub. Qahirə məhkəməsində fəaliyyətə başlayan xanım Hilmi və Misirin Qadın Şurasının sədri Maya Mursi bildiriblər ki, müasir inkişaf mərhələsinə qədəm qoyan Misirdə qadınlara qayğı təqdirəlayiqdir. Bu əlamətdar hadisənin 8 Mart - Beynəlxalq Qadınlar Günü ərəfəsində baş verməsi ikiqat sevinc doğurur.

Qeyd edək ki, misirli qadınlar ədliyyə sistemi ilə yanaşı, hökumətdə və parlamentdə də geniş təmsil olunurlar. Qanunverici orqanda 569 deputatdan 168-i zərif cinsin nümayəndələridir.


Etiketlər:  Misirin tarixində


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ