Aktual mövzular: Dollar alış-satışı, Məzənnə, Neftin qiyməti

Bekhem ukraynalı uşaqlara 1 milyon funt bağışladı

Tarix: 9 Mart 2022 11:30

İngiltərə yığmasının sabiq futbolçusu Devid Bekhem və onun həyat yoldaşı Viktoriya Bekhem müharibədən əziyyət çəkən ukraynalı uşaqlara yardım məqsədilə UNİCEF-lə birlikdə ianə yığımına start verib.

Milli.Az report-a istinadən xəbər verir ki, hazırda ABŞ-ın "İnter Mayami" klubunun sahibi olan funksioner bu barədə instaqram hesabında bildirib.

Cütlük artıq aksiya üçün ilkin olaraq, 1 milyon funt sterlinq (1,3 milyon ABŞ dolları) ödəyib.

Bekhem hər kəsi onun təşəbbüsünü dəstəkləməyə və Ukraynanın ən kiçik vətəndaşlarına kömək etməyə çağırıb: "Analar uşaqları ilə birlikdə qaçmağa məcbur olur, ailələr dağılırlar. Uşaqları çarpayılarından götürürlər ki, gecə ilə evlərini tərk etsinlər. Ukraynada müharibə ikinci həftəyə uzandığından, ailələrin ehtiyacları kəskinləşir. 7,5 milyon uşaq hazırda təhlükədədir. Bura dava-dərman və ailələrin təhlükəsiz evakuasiyası da daxildir. Buyurun, mənə qoşulun və əlinizdən gələn hər şeyi edin".

Milli.Az

Whatsapp ilə göndər